Vështirë për pesë tituj

Vështirë për pesë tituj

Ekipi aktual i Manchester United është më i miri që ka udhëhequr në 22 vitet e deritashme të kaluara në klub, por ai nuk beson se ata mund të fitojnë pesë tituj këtë sezon, ka thënë menaxheri Sir Alex Ferguson.

Djajtë e Kuq tashmë kanë fituar Kampionatin botëror të klubeve dhe Carling Cup, ndërsa janë favoritë për të mbrojtur titullin në Premierligë për sezonin e tretë me radhë. Ata po ashtu janë në gjysmëfinale të FA Cup dhe çerekfinale të Ligës së Kampionëve, por Ferguson ka thënë se natyra e paparashikueshme e garave të kupës ua vështirëson shanset për të fituar pesë tituj këtë sezon.

“Në garat e kupës ju duhet të jeni gjithmonë në formë të mirë e po ashtu ju nevojitet fat dhe mendoj se është vështirë që të gjitha ndeshjet të përfundojnë mirë. E përsëris se ekipi aktual është më i miri që kam pasur ndonjëherë. Ndihem optimist në çdo ndeshje”, deklaroi Ferguson gjatë një interviste për magazinën New Statesman. “Për momentin çdo sulm i frikësohet mbrojtjes sonë dhe çdo mbrojtje i frikësohet mesfushës dhe sulmit tonë”, shtoi ai.

Ferguson po ashtu ka theksuar se gabimi i tij më i madh ka qenë largimi i mbrojtësit Jaap Stam, ndërsa dëshpërimi më i madh është që nuk transferoi Paul Gascoigne kur u largua nga Newcastle më 1988.