Kahn, drejt Schalke 04

Kahn, drejt Schalke 04

Ish portieri dhe kapiteni i Gjermanisë, Oliver Kahn pritet të emërohet menaxher i ri i ekipit Schalke 04 ,pas takimit me drejtuesit e klubit nga Bundesliga. 39 vjeçari edhe më parë kishte zhvilluar disa takime në Gelsenkirchen, perëndim të Gjermanisë, për të diskutuar rreth zëvendësimit të Andreas Mueller i cili ishte shkarkuar javën e kaluar.

“Mbi të gjitha, dua të punoj në një ekip”, tha Kahn për versionin online të së përditshmes gjermane Der Spiegel. “E konsideroj shumë interesante, por nëse do të marr atë rol varet nga shumë faktorë”, shtoi ai.

Kahn, i cili ishte kapiten i Gjermaninë në finalen e Kampionatit botëror 2002, u pensionua nga futbolli në fund të sezonit të kaluar pasi arriti të fitojë Bundesligën dhe Kupën e Gjermanisë me Bayern Munich. Pas tërheqjes nga futbolli, Kahn ka kthyer vëmendjen e tij te ndjekja e talenteve, por u kthye më herët nga një udhëtim në Kinë për t’u takuar me presidentin e Schalkes, Clemens Toennies.