Pozita e As‘ habeve në fenë islame

Pozita e As‘ habeve në fenë islame

Shokët e të Dërguarit salallahu alejhi we selem, me të vërtetë ishin një gjeneratë shembullore, e edukuar nën mbikqyrjen e të Dërguarit, salallahu alejhi we selem, e përmirësuar me udhëzimet hyjnore të Librit famëmadh.Kur’ani shëroi sëmundjet e shpirtin nga të cilat vuanin, pastroi shpirtërat e tyre dhe i ngriti në vende të larta të cilat i merituan me mundin e tyre.


Abdullah ibën Mesudi, radijallahu anhu, thotë: Shokët e Muhammedit, salallahu alejhi we selem , ishin gjenerata më e mirë e këtij Ummeti.Zemrat e tyre ishin të shëndosha, dija e tyre ishte e thellë.Të matur dhe larg çdo teprimi.Allahu i zgjodhi për shokë të resulullahut, salallahu alejhi we selem, burra që do të mbajnë barrën e mbarëvajtjes së fesë.
Mos e harroni vlerën e tyre dhe pasoni gjurmët e tyre.Aq sa mundeni pasoni moralin dhe modelin e jetës së tyre, sepse ata ishin në udhëzim të drejtë.
Shokët e të Dërguarit, salallahu alejhi we selem, pas vdekjes së Resulullahut arritën të ndërtojnë jetën shoqërore islame në pajtim me metodologjinë, bazat e të cilës i vendosi Muhamedi, salallahu alejhi we selem.Këtë sukses të tyre e paralajmëroi edhe vetë Pejgamberi i cili tha:


“Pejgamberllëku në mesin e juaj do të zgjatë aq sa don Allahu pastaj do të ngritet që pas tij të vjen hilafeti në pajtim me metodologjinë pejgamberike që do të zgjatë aq sa don Allahu, subhanehu we teala, dhe pastaj do të ngritet...” Transmetoi Ahmedi prej Ebu Hudhjfes, radijallhu anhu.


Duke e ditur se shokët e tij pas vdekjes do të mbesin në rrugën e drejtë na ka urdhëruar të pasojmë sunetin e halifeve të drejtë që do të sundojnë pas tij, duke thënë:


“Pasoeni sunnetin tim dhe sunnetin e halifeve të drejtë që janë të udhëzuar, kapuni fortë për të (sunet, feje) me dhëmballë, dhe largojuni gjërave të shpikura...”
Transmeton Ebu Davud dhe Tirmidhiu i cili e vlerësoi si hadith hasen sahih.


Hilafeti i drejtë zgjati 30 vjet dhe në këtë kohë sunduan Ebu Bekri, Omeri,Othmani dhe Aliu, Allahu qoftë i kënaqur me të gjithë.Në një hadith të cilin e transmeton Ahmedi dhe e vlerëson si të saktë thuhet:


“Hilafeti (i drejtë) pas meje do të zgjatë 30 vjet”.
Për drejtësinë e as’habëve dëshmon Kurani.
Në të Zoti i madhëruar potencon faktin se Ai është i kënaqur me ta.Për këtë gjë kanë treguar edhe librat e shpallura para Kur’anit.Për këtë shkak nuk duhet befasuar nëse themi se ata ishin dritat e udhëzimit dhe shenjat që njerëzve ua tregonin udhën drejt Zotit të tyre.Gjatë jetës së tyre Allahu me mundin e tyre e mbrojti fenë nga devijimi dhe shtrembërimi.


Historia e Fikhut, Omer Sulejman El Eshkar