Ndërtohet xhamia e parë shqiptare në Zvicër

Bashkësia Shqiptare Islame në Grenchen të Soloturnit fillon me ndërtimin e xhamisë së parë nga themeli.


Bashkësia Shqiptare Islame në Grenchen të Soloturnit fillon me ndërtimin e xhamisë së parë nga themeli. Kryetari i Bashkësisë Shqiptare Islame, Ferid Sulejmanit, deklaroi: "Pas bisedave me autoritetet lokale dhe pas premtimeve që leja për ndërtimin e objektit do të jepet, në Mars të këtij viti inshallah do të fillojmë me punën për ndërtimin e xhamisë".

Kjo xhami nuk do te ketë minare, në mënyrë që të mos kundërshtohet nga autoritet zvicerane. Objekti do të ketë përveç vendit për falje edhe një banesë për imamin, pastaj lokale për aktivitete rinore si dhe objektet tjera përcjellëse.

I tërë objekti do të jetë dykatëshe plus kati përdhes si dhe parking të mjaftueshëm për xhematin. Çka është më e mira, objekti është në qendër të qytetit dhe me këtë objektet islame dalin nga zonat industriale dhe bëhen më funksionale dhe më të përshtatshme për frekuentim nga xhemati.

Bashkësia Shqiptare Islame ka filluar aksionin për grumbullimin e mjeteve të financiare për realizimin e këtij projekti. Për ata që dëshirojnë të kontribuojnë në këtë aksion mund të kontaktojnë në këtë adresë:

Bashkësia Shqiptare Islame
Mainstrasse 6
2540 Grenchen (SO)

Ose në këtë numër telefoni: + 41 (0) 78 62 72 814