S’ka krizë në futbollin italian

S’ka krizë në futbollin italian

Presidenti i UEFA-s, Michel Platini nuk beson se Italia është duke kaluar në krizë ndërkombëtare pas rezultateve të fundit dëshpëruese në Ligën e Kampionëve. Platini ka theksuar se Italia është ende kampion i botës dhe se në katër vitet e kaluara, ekipet italiane kanë shkuar deri në finale të Ligës së Kampionëve, por edhe kanë fituar. “Italianët frikësohen të humbin ekipin e katërt në Ligën e Kampionëve, por janë 52 asociacione kombëtare që do të kishin pasur ta kenë të dytin”, deklaroi Platini për rrjetin televiziv italian, Sky.

“Nuk është krizë, nga shkalla kombëtare, Italia është ende kampion i botës, ndërsa sa u përket klubeve, a duhet t’ju vlerësojnë vetëm pse një futbollist e ka humbur një penallti? Ose për shkak se Ibrahimoviç goditi shtyllën në vend se të shënojë? Apo Juventus që ishte shumë afër. Nuk mund të themi se futbolli italian është në krizë apo se futbolli anglez është më i fortë, sepse disa vite më parë Juventus dhe Milan ishin në finale”, shtoi ai.

Të gjitha ekipet italiane Inter, Juventus dhe Roma dështuan të kalojnë në çerekfinale të Ligës së Kampionëve, ndërsa Anglia përfaqësohet nga katër klube. “Asgjë nuk ka ndryshuar, në fushë nuk i shoh ekipet italiane në krizë”, përfundoi Platini.