Ëndërron Botërorin 2010

Ëndërron Botërorin 2010

Ronaldo nuk e ka përjashtuar mundësinë që ta përmbyllë karrierën e tij në fund të këtij sezoni, por në të njëjtën kohë e ka shprehur ëndrrën e tij për të marrë pjesë në Botërorin 2010.

“Një mundësi për të marrë pjesë në Botërorin 2010, do të ma shtynte karrierën time. Do të ishte e mrekullueshme nëse do të ndodhte. Por, nuk dëshiroj t’i bëj presion askujt”, u shpreh fenomeni për të përditshmen braziliane, 'Folha de Sao Paulò.

Ronaldo, i cili aktualisht peshon 93 kilogramë, ka thënë se nuk do të kthehet më të luajë në Evropë, pas eksperiencave të shkëlqyeshme në PSV, Barcelona, Inter, Real Madrid e Milan.

Mirëpo, ai tregon më hollësisht për eksperiencën në Inter. “Historia ime me Inter ishte e jashtëzakonshme, por kishte fund tragjik. Në ditën kur po ikja nga Interi, më është dashur të largohesha me një kamionetë të policisë, derisa tifozët më gjuanin me gjësende. Ky gjest i tyre më pati tronditur”, përfundoi 32-vjeçari Ronaldo.