Cana kundër Shakhtar Donetskut

Cana kundër Shakhtar Donetskut

Olympique Marseille në krye me kapitenin Lorik Cana do të takohet me ekipin ukrainas, Shakhtar Donetsk, në çerekfinale të Kupës UEFA, e cila u përcaktua në shortin e tërhequr të premten.

Marseille që eliminoi Ajaxin do të ketë përballë Shakhtarin në përballjen e parë mes ekipeve franceze me ato ukrainase, pasi rivali i tyre nga Ligue 1, Paris Saint Germain takohet me Dynamo Kievin në çiftin tjetër çerekfinal.

Klubi i vetëm nga Premierliga që është ende në garë në Kupën UEFA, Manchester City do të takohet me ekipin nga Bundesliga, Hamburg. Skuadra tjetër gjermane, Werder për kundërshtar ka ekipin e vetëm italian në garë, Udinese.

Fituesi i Marseille-Shakhtar në gjysmëfinale do të takohet me fituesin e PSG-Dynamo me mundësi të një çifti francez apo ukrainas. Mirëpo ekziston mundësia e një tjetër çifti gjysmëfinal gjerman, pasi fituesi i Manchester City-Hamburg do të përballet me fituesin e Werder-Udinese.

Çiftet çerekfinale në Kupën UEFA:

Hamburg - Man City
PSG- Dynamo Kyiv
Shakhtar Donetsk - Olympique Marseille
Werder Bremen - Udinese

Çiftet gjysmëfinale

Fituesi i PSG-Dynamo/Shakhtar-Marseille
Fituesi i Hamburg-Man City/Werder-Udinese